तू.....

तुझ्या आगमनी वसंत फुलतो,

तुझ्या तालावर निसर्ग झुलतो I

तुलाच बघण्या सूर्य उगवतो

तुझ्या रूपावर चंद्रही भुलतो II 

ज्योत दिव्याची तुझ्याच नयनी

आणते प्रकाश माझ्या जीवनी I

तू माझीच रहावीस जन्मोजन्मी

ओढ सदा अशीच माझ्या मनी II

रूप तुझे जणू पहाट सुंदर

पाहून विसरतो सारे क्षणभर I

स्मित तुझे जणू हर्ष सरोवर

अखंड सौख्य तुज देवो ईश्वर II

मोरपिसापरी स्पर्श तुझा

अप्सरे लाजवेल वर्ण तुझा I

ठोका चुकेल हृदयी माझा

न मिळाला जर सहवास तुझा II

असंख्य आभार त्या देवाचे

जीवन सुंदर केले माझे I

आता तूच कारण माझ्या जगण्याचे

स्वप्न जीवन रंगवू तुझे अन माझे II